Dänemark

Article in other languages:


D'Flagge vo Kongeriget Danmark Kenigriich Dänemark
S Wappe vo Kongeriget Danmark Kenigriich Dänemark
Wahlspruch: Guds hjælp, Folkets kærlighed, Danmarks styrke

(„D Hilf vom Gott, em Volk sini Liebi und d Stärki vo Dänemark“)
Amtsschpraach(e) Dänisch
Hauptschtadt Kopenhaga
Schtaatsform parlamentarischi Monarchii
Schtaatsoberhaupt Kenigin Margrethe II
Regierigschef Premierminischter Lars Løkke Rasmussen
Flächi (Karnland Dänemark) 43.094 km² un (Grönland) 2,2 Mio. km² un (Ferörinsla) 1396 km² km²
Iiwohnerzahl (Karnland Dänemark) 5.427.459 un(Grönland) 56.584 un (Ferörinsla) 48.354
Bevölkerigsdichti 126 Einwohner/km² Iiwohner pro km²
BIP/Iiwohner 49.182 US-$ (2005)
Währig 1 Dänischi Krone = 100 Öre
Nationalhymne Der er et yndigt land
Ziitzone UTC +1
Kfz-Kennzeiche DK
Internet-TLD .dk
Vorwahl +45
LocationDenmark.png
Da-map.png

Dänemark (dänisch: Kongeriget Danmark [ˈkɔŋəʀiːʔəð ˈd̥ænmɑɡ̊]) isch e chleis nordeuropäischs Land, wo züe Skandinavie zällt wird. S Land hät e Flächi vo ca. 43000 Quadratkilometer und 5,1 Millione Ywohner. D Hauptstadt isch Kopehage.

Dänemark hät e Union mit de Ferör-Insle und Grönland. Amtssproch isch z Dänemark dänisch. An de Gränze züe Dütschland wird au Dütsch gschwätzt. Uff de Ferör schwätzt mer au Ferörisch und uff Grönland Grönländisch, was e alti Eskimo-Sproch isch.

Inhaltsverzeichnis

Geografy

Dänemark bstoht uss 400 namentlig erfasste Insle; dodevo ßin 82 bewohnt.[1] Wichtigsti dodevo ßin Sjælland, Fyn, Lolland, Falster, Langeland, Møn und Bornholm. S einzige Gränzland isch Dütschland, wo südlig devo ligt und wo 68 Kilometer devo an Dänemark grenze. 11,5 Prozänt vo de Flächi ßin bewaldet, 64,7% werre landwirtschaftlig gnutzt. Vo Wasser bedeckt ßin 1,6 und anderscht gnutzt 22,2 Prozänt. Höchste Berg isch de Yding Skovhøj (173 m), dicht gfolgt vom Ejer Bavnehøj (171 m). S Land erstreckt sich uff 8 bis 15° östligi Längi und 55 bis 58° nördligi Breiti (Zitzone MEZ+0)[2]

Gschicht

Di ältste Zügniss vo mänschliger Besydlig ßin etwa sibzigdausend Johr alt und z Hollerup entdeckt worre. Im 6. Johrhundert ßin d Schwede uff Dänemark cho und hän d Germane vertrybe. De Gorm de Alt hät im 10. Johrhundert d Königrych im Gebiet vereinigt. Im 11. Johrhundert hän d Däne als Wikinger d Insle vo Ängland und Norwege erobert.

Im 14. Johrhundert hät sich Dänemark mit Norwege, Schwede, Island und Finnland zu de Kalmarer Union vereinigt. Bis züe de Ufflösig vo säller Union (1523) hät s dezüeghört.

Afang 19. Johrhundert hät Dänemark mit Frankrych kooperiert; 1814 hät s Helgoland an Ängland und Norwege an Schwede abtrette mieße.

Noch de 1848er-Revolutione isch Dänemark züe-n-re konstitutionelle Monarchy worre und hät 1849 sini erschti Verfassig kriegt.

Im Zweite Wältchrieg hät Dänemark ursprünglig wölle neutral blybe, isch aber ab 1940 vo de Dütsche bsetzt worre.[3]

Wirtschaft

De Arbetsmarkt z Dänemark isch e Vorbild für vyli anderi Länder. Arbetslosi kriege meh Understützig wie z.B. z Dütschland und d Beschäftigungsquote isch di höchsti in de EU.

Dänemark hät hochi Stüre. Des siht mer zum Bispyl an de Mehrwertstür, wo bi 25% ligt. Trotzdem belegt Dänemark bezüglig BIP, Läbensstandard und Staatsverschuldig wält- und europawit eine vo de beste Plätz.

Industry isch e zimli wichtigi Branche. Si isch vor allem rund um Kopehage agsydelt; über drei Viertel vo de Exportgieter ßin Maschine oder anderi Gieter. D Herstellig Läbensmittel, Elektronik, Maschine und d Verarbeitig vo Metall ßin di wichtigste industriälle Branche; genauso chemischi Stoff, Babier und Bier. Wäge de hoche Azahl an Brüefsfischer und de große Fischereiflotte spylt d Fischindustry e wichtigi Rolle.[4][5]

D Landwirtschaft beschäftigt etwa 3% vo dem Deil vo de Bevölkerig, wo schafft. D Wälder chönne nit gnutzt werre und ßin meistens Nadurschutzgebiet.

20% vom Strom wird mithilf vo Windchraftwerch gwunne.[6]

Sproch

Amtssproch vo ganz Dänemark isch Dänisch. Im Süde werre au Sønderjysk und Dütsch als Minderheitssproche gschwätzt, beides ßin aber keini Amtssproche. Vo de Färöer wird au Färöisch und z Grönland Grönländisch gschwätzt.[7]

Quelle

  1. ↑ www.europa.eu
  2. ↑ www.europa-auf-einen-blick.de/Dänemark
  3. ↑ www.daenemark-reiseguide.de/Gschicht
  4. ↑ www.daenemark-reiseguide.de/Wirtschaft
  5. ↑ www.europa.eu
  6. ↑ www.daenemark-reiseguide.de
  7. ↑ de




Vun "http://als.wikipedia.org/wiki/D%C3%A4nemark"

Questions for article: die hauptschtadt von frankreich, die hauptschtadt von tschechien, die hauptstadt von danemarke, filme olai n org 2009, großbritannien hauptschtadt, hauptschtadt albanien, hauptschtadt dänemark, hauptschtadt italien, hauptschtadt von schweden, hauptschtadt von spanien, internationale hauptschtadt

This article is from Wikipedia. All text is available under the terms of the GNU Free Documentation License.


IHS Europe: Infrared Heating Systems for Home and Business.