Griechenland

Article on other languages:

Der Titel vu dem Artikel isch mehdütig. Witteri Bedütige findet mer under Griechenland (Begriffsklärung).

D'Flagge vo Ελληνική Δημοκρατία Elliniki Dimokratia / Hellenischi Republik
S Wappe vo Ελληνική Δημοκρατία Elliniki Dimokratia / Hellenischi Republik
Wahlspruch: Ελευθερία ή Θάνατος

(„Eleftheria i thánatos“ „Freiheit oder Tod“)
Amtsschpraach(e) Griechisch
Hauptschtadt Athen
Schtaatsform Republik, Parlamentarischi Republik
Schtaatsoberhaupt Staatspräsident Karolos Papoulias
Regierigschef Kostas Karamanlis
Flächi 131.990 [1] km²
Iiwohnerzahl 11.171.740 (2007)
Bevölkerigsdichti 84 Iiwohner pro km²
BIP 324,6 Mrd. US-$ (2008)
BIP/Iiwohner 28'273 US-$ (2007)
Währig 1 Euro = 100 Cent (Lepta)
Nationalhymne Ymnos is tin Eleftherian
(„Ode a d Freiheit“)
Ziitzone UTC+2 OEZ
UTC+3 OESZ (März - Oktober)
Kfz-Kennzeiche GR
Internet-TLD .gr
Vorwahl +30

Griecheland (griechisch früener/formell, Ελλάς Hellás, hütt/umgangssprochlig Ελλάδα, Elláda; amtligi Vollform: Ελληνική Δημοκρατία Hellenischi Republik) isch e Staat z Europa uff em Balkan. Hauptstadt un gröschti Stadt isch Athen.

Inhaltsverzeichnis

Geografy

Griecheland litt an de südöstlige Grenze vo Europa. S Staatsgebiet erstreckt sich vom 20. bis 28. östlige Breitegrad, vom 35. bis zum 42. nördlige Längegrad, litt in de Zitzone MEZ+1 und grenzt an Albanie (282 km), d Türkei (206 km), Mazedonie (246 km) und Bulgarie (494 km). S ghöre über 9.841 Insle dezüe, vo denne ßin aber numme 114 bewohnt. Züe de wichtigste Insle ghöre zum Bispyl Kriti, Rodos, Kérkyra und Kefallonia.

Zwei Drittel vo de Flächi vo Griecheland cha mer als gebirgigs oder hügeligs Land bezeichne. Höchste Berg isch de Olymp mit 2'917 Meter. Griecheland hät 4000 Kilometer Küstelängi; mit de Insle zämme ßin s etwa 15'000 km. De längst Fluss isch de Aliakmon mit 297 Kilometer.

S Land wird wie folgt gnutzt:

  • 23% Ackerland
  • 40% Wiese und Weide
  • 20% Forscht- und Waldgebiet
  • 9% anderi Verwändig[2][3]

Glyderig

S Land isch in 13 Verwaltigsbezirk glydert:

Nummer Verwaltigsbezirk Houptschtadt Flächi Iiwohnerzahl
1 Attika Athen 3.808 km² 3.761.810
2 Mittelgriecheland Lamia 15.549 km² 605.329
3 Zentralmakedonie Thessaloniki 18.811 km² 1.871.952
4 Kreta Iraklion 8.259 km² 601.131
5 Ostmakedonie und Thrakie Kavala 14.157 km² 611.067
6 Epirus Ioannina 9.203 km² 353.820
7 Ionischi Insle Korfu 2.307 km² 212.984
8 Nördligi Ägäis Mytilini 3.836 km² 206.121
9 Peloponnes Kalamata 15.490 km² 638.942
10 Südligi Ägäis Ermoupoli 5.286 km² 302.686
11 Thessalie Larisa 14.037 km² 753.888
12 Westgriecheland Patras 11.350 km² 740.506
13 Westmakedonie Kozani 9.451 km² 301.522
- Berg Athos (Autonome) Karyes 390 km² 2.262
D 13 Verwaltigsbezirch vo Griecheland.

Gschicht

Griecheland isch scho vor 4000 Johr besydelt gßi. Sällemols ßin d Hellene dört gßi und hän d Umgebig vom Atlantik bis zum Kaukasus erforscht. Im Mittelmeerruum, z Nordafrika und z Chleiasie hän d Grieche vyli neui Sydlige gründet; um s 5. Johrhundert v.Chr. umme hät s Stadtstaate ge, de gröscht devo isch Athen gßi. In d Gschicht ygange isch de Sieg über d Perser uss säller Zit. Nit lang denoch hän si de Großdeil vo de dörtmols bekannte Wält erobert.

146 v.Chr. isch Griecheland an d Römer gfalle. 330 n.Chr. hät de Kaiser Konstantin d Hauptstadt uff Konstantinopel verlegt. Di Griechischi Sproch hät Yfluss uff d Christe gnoh.

1453 isch Griecheland an d Türke gfalle. Erscht vierhundert Johr druff hän d Grieche agfange, für ihri Unabhängigkeit z kämpfe. 1821 hän si dodemit agfange; 1828 hät e chleine Deil vom ehemolige Griecheland d Unabhängigkeit kriegt. De letscht Deil vo Griecheland, d Dodekanes-Insle, hän d Türke noch em Zweite Wältchrieg zruckge mieße.

Im Zweite Wältchrieg hät Griecheland zwar Idalie besygt, isch aber vo de Dütsche bsetzt worre. Uff de Wältchrieg isch e Bürgerkrieg gfolgt. Sit de Abschaffig vo de Monarchy (1975) hät Griecheland e Parlamänt.[4]

Wirtschaft

Zämme mit de portugysische ghört die griechischi Wirtschaft züe de schwächste vo de EU. De Yfluss vo de Landwirtschaft prägt di griechischi Wirtschaft. S wird vor allem Tabak abaut, aber au Weize, Orange, Olive und Baumwulle. Zudem wird sit Afang 80er Erdöl gwunne. In de Industry ßin Metall, Nahrigsmittel und chemischi Produkt di wichtigste Branche. De Dienschtleistigssektor macht näbe denne beide Sektore aber de gröscht Deil (2/3) vom BIP us. D Branche Tourismus bringt Griecheland vyli Ynahme; s chömme pro Johr ca. 12 Millione Touriste.[5][6]

Vo de 4,94 Millione Erwerbstätige schaffe 3,2 Prozänt im Berych Landwirtschaft, 20,6 im Industry- und 76,3 Prozänt im Dienschtleistigssektor. 8,4 Prozent vo de Bevölcherig ßin arbetslos, s Bruttoinlandprodukt isch (2007) 326,4 Milliarde US-Dollar hoch gßi.[7]

Quelle

  1. ↑ www.griechische-botschaft.de Zu de Geografy vo Griecheland
  2. ↑ www.griechische-botschaft.de/Geographie
  3. ↑ www.europa-auf-einen-blick.de
  4. ↑ http://www.griechische-botschaft.de/ueber_gr/geschichte/geschichte.htm
  5. ↑ http://www.ipicture.de/daten/wirtschaft_griechenland.html
  6. ↑ http://www.bpb.de/themen/MYA7XL,0,0,Wirtschaft.html
  7. ↑ http://www.ipicture.de/daten/wirtschaft_griechenland.html






Vun "http://als.wikipedia.org/wiki/Griechenland"

More about Griechenland: griechenland in muslime, griechenland intellektueller muslime rat, griechenland muslime, griechenland urlaub, griechenland ferienhaus, griechenland strand, ferienwohnung griechenland, griechenland reiseführer, griechenland reisen,

This article is from Wikipedia. All text is available under the terms of the GNU Free Documentation License.