Ungarn

Article on other languages:


Republik Ungarn
Flagge vo Ungarn
Ungarischs Wappe
(Details) (Details)
Amtsschpraach Ungarisch
Hauptschtadt Budapest
Schtaatsform Parlamentarischi Republik
Schtaatsoberhaupt László Sólyom
Regierigschef Ministerpräsident Ferenc Gyurcsány
Flächi 93.036 km²
Iiwohnerzahl 10.053.000 (Oktober 2007)
Bevölkerigsdichti 108 Iiwohner pro km²
BIP

- Total (Nominal)
- Total (PPP)
- BIP/Einw. (Nominal)
- BIP/Einw. (PPP)

 2005 (gschätzt)

(44.) 107,1 Mrd. US-$
(50.) 162,3 Mrd. US-$
(45.) 10.814 US-$
(41.) 16.823 US-$
Währig Forint (HUF)
Unabhängigkeit am 31. Oktober 1918
Nationalhymne Himnusz
Ziitzone CET (UTC+1)
Kfz-Kennzeiche H
Internet-TLD .hu
Vorwahl +36

Ungarn (ungarisch: Magyar Köztársaság oder au Magyarország) isch e Staat z Mitteleuropa, hät e Flächi vo ca. 93'000 km² und 10 Millione Ywohner.

Inhaltsverzeichnis

Geografy

Lag

Ungarn litt z Mitteleuropa in de Pannonische Ebeni und isch vo de Ostalpe, Karpate und Dinaride umge. Höchste Berg isch de Kékes mit 1015 Meter über NN, nydrigste Punkt isch s Komitat Csongrád uff 78m.

Im Südoste isch die Großi Ungarischi Diefebeni, wo etwa 52'000 km², also meh wie d Hälfti vo de Gsamtflächi usmacht. Durch Ungarn fließe d Donau (428 km, 6 Näbeflüss) und d Theiß (579km, 7 Näbeflüss).[1] Flacheri Gegende ßin z.B. di Ungarischi Diefebeni und di chleini Diefebeni, hügeliger ßin z.B. Zala, Somogy und Tolna; Berglandschafte ßin z.B. Sopron, Kőszeg, s Mecsek und di Transdanubische Mittelgebirge.[2] Numme 17 Prozänt vo de Flächi ßin bewaldet.

Landesgränze vo Ungarn[3]
Staat Längi vo de Grenze
Slowakei 666,1 km
Ukraine 136,6 km
Rumänie 448,0 km
Jugoslawie 165,8 km
Kroatie 355,3 km
Slowenie 100,0 km
Östrych 356,0 km

Verwaltigsglyderig

Verwaltigsglyderig vo Ungarn mit de 19 Komitat.

Ungarn isch in 19 Komitat und 24 Städt mit Komitatsrecht ydeilt. 1999 isch s Land in siebe Regione ydeilt worre, under anderem wägem Bytritt zu de Europäische Union. D Komitat ßin widderum in Chleigebiet ydeilt.[4]

Städt mit Komitatsrecht
(sít)		 Komitat

Di gröschte Städt ßin Budapest mit 1,7 Millione, Miskolc mit 170'000, Debrecen mit 200'000, Pécs mit 150'000 und Szeged mit 170'000 Ywohner.[5]

Gschicht

D Vorfahre vo de Ungare ßin d Magyare-Stämm gßi. Si ßin 896 ins Karpatebecke cho und hän die asässigi Bevölkerig underworfe. Im Johr 1000 isch Ungarn under em Stephan I. zu me christlige Königrych worde.

896 ßin d Magyarestämm noch ihrer Wanderig vom Ural im hüttige Ungarn ako. Mer nennt de König István I., wo 1000 s ungarische Königrych gründet hät, Staatsgründer vo Ungarn.

Noch em Tataresturm im 13. Johrhundert isch Ungarn under em Béla IV. widder uffbaut worre. Sy Nochfolger, de Károly I. isch uss de Anjou-Dynasty gßi. Under sinem Sohn, em Lajos I., hät Ungarn sini gröschti Usdehnig erreicht. So hän Neapel und spöter au Pole dezüeghört. Säll hät 1396 mit de Eroberig durch d Türke e Änd gha. 1456 hät sie de János Hunyadi für e halbs Johrhundert abwehre könne. Bis Afang 16. Johrhundert isch es under siner Herrschaft e Großmacht gßi.

Im 16. Johrhundert ßin d Türke widder ygfalle. D Habsburger ßin im Norde und Weste aerkännt worde, Siebebürge isch ab 1570 e eige Fürschtetum gßi.

1686 isch d Burg Buda im Zug vo de Verjagig vo de Türke zruckerobert worde. De Habsburger Kaiser isch vo dört a Herrscher gßi.

Um 1870 isch Ungarn mit Östrych zun re Doppelmonarchy zämmegschlosse worre. Erscht 70 Johr noch de erschte Freiheitsbewegig, noch em Erschte Wältchrieg, isch zumindest e Deil vo Ungarn vo Östrych unabhängig worde. E Volksrepublik isch es 1946 noch de sowjetische Bsetzig worde.[6][7][8]

Wirtschaft

Branche

Ungarn hät numme wenig natürligi Ressource (Bauxit, Kohle und Erdgas), fruchtbari Böde und landwirtschaftligi Nutzfläche. Ungarische Wy wird europawit trunke. Di wichtigste Usfuhrgieter ßin Maschine, Transporthilfsmittel, Nahrigsmittel und Chemikalie.[9]

De Dienstleistigssektor isch für Ungarn de wichtigst Sektor. Er macht etwa zwei Drittel vom BIP us; am meiste dodra bedeiligt ßin di gmeinschaftlige Dienschtleistige. E witers Viertel bringt d Industry, vor allem Verarbeitigsindustry, y. Numme 4 bis 5 Prozänt vom BIP werre durch d Landwirtschaft und d Bauindustry ybrocht.[10]

Arbet

6,5 Prozänt vo de ungarische Bevölcherig schaffe noch em Stand vo 2000 im Primäre Wirtschaftssektor. 33,7 Prozent schaffe im Sekundäre und 59,7% im Dienschtleistigssektor.

D Arbetslosequote isch zwüsche 1996 und 2000 kontinuierlig gsunke, im gsamte um 2,5%. De Aktivitätsadeil isch vo 1996 bis 1998 gsunke, denoch aber widder gstyge und 2000 höcher gßi wie 1996.[11]

Kultur

Di ungarischi Kunscht isch vo diverse andere Stil beyflusst worre, z.B. vom Romantik-, Gotik-, Barock- und Art-nouveau-Stil. Ungarn hät vyli erwähnenswerti Künschtler fürebrocht, z.B. de Franz Liszt oder de Béla Bartók.[12] D Gschicht vo Ungarn spiegelt sich in de Literatur widder, so git s z.B. vyli Gedichter über d Unabhängigkeit, wo sich d Ungare oft z wünsche gha hän. In Bezug uff de Sport isch Füeßball am beliebteste, aber au anderi wie z.B. Schach.[13]

Uff re Süechi noch kulturälle Aktivitäte stoßt mer z Ungarn uff e großes Agebott. So cha mer z.B. e Ballonfahrt mache, mit em Velo durch di Großi Ungarischi Diefebeni fahre oder Wassersport trybe. Di alti bürligi Kultur vo Ungarn findet mer in de Burehüser oder au in de Burehus-Musee.[14]

Ungarischi Kuchi

In Ungarische Gricht ßin Paprikaschote, Zieble, Tomate und Gwürzpaprika in de meiste Rezept z finde. D Würzig vom ungarische Ässe isch einer vo de Faktore, wo d Kuchi dört so beliebt mache. De Károly Gundel hät si durch sini Biecher au international bekanntgmacht. Ungarische Gricht ligt oftmols d Kuchi vo de Bure zgrund; oftmols wird über me Für kocht und i me Kessel serviert.[15][16]

Flagge

Ingarischs Wappe
Flagge vo Úngarn

D Flagge vo Ungarn (links) isch vom Wappe (rächts) abgleitet worre. D Farbe rot, wiß und grien ßin aber scho im 9. Johrhundert verwendet worde. 1848-1849 und deno widder ab 1867 isch es s offizielle Wappe vo Ungarn gßi, bis 1945 hät s in de Mitti e Krone dinne gha. 1945-49 isch s Kossuth-Wappe an derre Stell gßí, in de Zit, wo Ungarn zu de Sowjetunion ghört hät, isch die Züeghörigkeit durch e Sowjetemblem kennzeichnet gßi.[17]

Lüeg au

Netzgleicher

Quelle

  1. ↑ http://www.uni-koblenz.de/ist/ewis/hugeo.html
  2. ↑ http://www.magyarorszag.hu/deutsch/uberungarn/land/landundfolk.html
  3. ↑ http://www.magyarorszag.hu/deutsch/uberungarn/land/landundfolk.html
  4. ↑ Quelle: Dytsche Wikipedia-Artikel [1]
  5. ↑ Uss me MERIAN-Reisefiehrer über Ungarn (ISBN 3-7742-0314-8), S. 121
  6. ↑ http://www.magyarorszag.hu/deutsch/uberungarn/Geschichte/chronologie.html
  7. ↑ http://www.balaton-service.de/historie.shtml
  8. ↑ http://europa.eu/abc/european_countries/eu_members/hungary/index_de.htm
  9. ↑ http://europa.eu/abc/european_countries/eu_members/hungary/index_de.htm
  10. ↑ http://www.magyarorszag.hu/deutsch/uberungarn/wirtschaft
  11. ↑ http://www.magyarorszag.hu/deutsch/uberungarn/wirtschaft/beschaftigung.html
  12. ↑ http://www.budapest-hotel-guide.hu/de/ungarn-information/kultur.php
  13. ↑ http://de.reisen.yahoo.com/p-reisefuehrer-603667-_ungarn_kultur-i
  14. ↑ http://www.mietferien.de/laenderinfos/ungarn/kultur/
  15. ↑ http://www.mietferien.de/laenderinfos/ungarn/kultur/
  16. ↑ http://www.mietferien.de/laenderinfos/ungarn/gastronomie/
  17. ↑ http://www.ungarninfo.org/index.php?id=92


Vun "http://als.wikipedia.org/wiki/Ungarn"

More about Ungarn: asterope ferienhaus ungarn, asterope fewo ungarn, asterope ferienwohnung ungarn, zahnarzt ungarn, asterope pension ungarn, zahnbehandlung ungarn, immobilien ungarn, ungarn balaton, gruppenreise ungarn,

This article is from Wikipedia. All text is available under the terms of the GNU Free Documentation License.